ga('send', 'pageview');

Tag: ગીત

શામળાજી

યાદવોની દ્વારિકામાં શામળાજી,
શબદની આ સં હિતામાં શામળાજી.

કાનજીની વાંસળી છે ભાગશાળી ,
યમુનાનાં ઓરતાંમાં શામળાજી.

નીડ જાગે, પાંખ બોલે,પંખ ખોલી,
મોરલાના નાચવામાં શામળાજી.

દેવકીના દ્વાર પર તો યોગમાયા,
નં દજીના આંગણામાં શામળાજી.

રાધિકાની ઝાંઝરીમાં રોજ બોલે,
ભાવભીની સૂરતામાં શામળાજી.

હાંકવી છે કાલિંદીમાં આજ હોડી ,
‘કાંત ‘ના છે હલેસાંમાં શામળાજી.

✍🏼 કૃષ્ણકાંત ભાટિયા ‘કાન્ત ‘

 

રે સખી..

સરવર બનું કે, બનું માછલી ,
વાદળ બનું કે , બનું વાદળી.
રે સખી, મારા શ્વાસનો તું શ્વાસ .

હિજરાય મારા મનની અગાશી,
ઈચ્છાઓ સઘળી બારમાસી.
રે સખી,મારા ગીતનો તું પ્રાસ.

વાદળાં ને વીજ મુજને સંકોરે,
ચમકતી વીજળી રૂપને ચોરે.
રે સખી, આજની રાત છે ખાસ.

પનઘટના મોરલા કરે કેકારવ,
યાદ આવે મને ઓલો યાદવ.
રે સખી,રમી શકશું હવે શું રાસ?

યમુનાના નીર ,કદંબની ડાળી,
મથુરા ગયા મારા વનમાળી .
રે સખી, હૈયે પડયા છે ચાસ.
*
✍🏼 કૃષ્ણકાંત ભાટિયા ‘કાન્ત ‘

 

તને વરસતું ચોમાસુ થવું ગમશેને ?

કોરી ક્ષણોને ભીંજાવું છે
પૂછું તને વરસતું ચોમાસુ થવું ગમશેને ?

થાય ભલે ને છત્રી કાગડો
પૂછું તને વાઝડી બનવું ગમશેને?

ઉગવા મથે હૈયે કૂંપણો
પૂછું તને ભીનાશ બનવું ગમશેને ?

મનમાં ક્યાંક પડ્યા છે શબ્દો
પૂછું તને કવિતા બનવું ગમશેને?

ધસમસતી વહી જાય ક્ષણો
પૂછું તને આડસ બનવું ગમશેને?

જોઈ છે “નીલ” રાહ ટાણે ક ટાણે
પૂછું તને મિલનનું એક ટાણું બનવું ગમશેને??

✍🏼”નીલ”

 

રાધા , ઝરમર ઝરમર વરસે …

બોલ ઓ કાન્હા ! ગીત થઈ, સંગીત થઈને તારા દિલને સ્પર્શે ?
રાધા , ઝરમર ઝરમર વરસે …

એ તો ખળખળ ઝરણા જેવી પથ્થરને પીગળાવે,
તો ય જરી ક્યાં અસર તને છે તું એને અકળાવે
તું જો કે’ તો તારી સંગે પાછો પર્વત ચડશે …
રાધા , ઝરમર ઝરમર વરસે …

તારી માયા એવી જો ને છોડી ના છોડાતી,
ધરણી ફરતી સૂરજ ફરતે એમ રહે ખેંચાતી ,
તું જો કે’ તો તારી કાજે તારો થઈને ખરશે…
રાધા , ઝરમર ઝરમર વરસે …

✍🏼  શબનમ