ga('send', 'pageview');

Category: રૂપાલી ચોકસી “યશવી”

મારુ ચોમાસું ઊગ્યું છે મારી આંખમાં

મારુ ચોમાસું ઊગ્યું છે મારી આંખમાં
ગુલાબી ગાલની ટશરો ફૂટી છે વ્હાલમાં..

ફૂલોને કહી દો ઝાકળની છાલક ના મારો,
સોળે શણગાર સજયો હવે તારી યાદમાં…

પ્રિયે આમ મધુવનમાં હાકલ ના મારો મને
મૃગજળ લઈને બેઠી છું વેદનાના બાગમાં…

સાજન બુંદબુંદ ના વરસ તરસે છે નયન
પલળવા થનગને છે યૌવન તારી સાથમાં…

મારી દીવાનગી પણ મશહૂર.થઈ જવાની
હવે અશ્રુની પણ મહેફિલ સજી હાલમાં

હ્દયનને લાગણીઓની હુંફથી રંગયું હતું
શાયરોની મહેફિલમાં બેઠી તારા જ માનમાં

✍🏼 યશવી

 

કરો કંકુના….

ફરી આવી લાગણીઓની વાછટ કરો કંકુના
મનમાં ખીલી ઉર્મિઓની આહટ કરો કંકુના….

હસ્તરેખા સોનામાં મઢાવી હવે માની જા
કિસ્મત સાથ આપી કરશે તલસાટ કરો કંકુના…

સપ્તરંગી સપનાંઓમાં મહાલું હવે જોઈ લે
આભ ચાંદનીમાં નાહી કરશે મલકાટ કરો કંકુના..

લો ફરી વાદળોમાં જળ ભરવા દોટ મૂકી છે,
તસ્વીરમાં યાદોની પીંછી કરશે વસવાટ કરો કંકુના…

લે તર્પણ હ્રદય સમું પત્થરમાં લીલીછમ વ્યથા
આંસુમાં હવે વેદના ચળકાટ કરે છે કરો કંકુના…

✍🏼 રૂપાલી “યશવી”

 

શ્વાસોમાં રાખીશ હંમેશા

શ્વાસોમાં રાખીશ હંમેશા એવું કહેતો,
થોડીવાર શ્વાસને અટકાવીને તો જો……!!

મને શું કામ ઝાંખે ભીતર તું હંમેશા,
તારા અક્સ ને દર્પણ બતાવીને તો જો…!!

ચંચળ નયનને રમાડી ચાલ્યો ગયો
સપનાઓને થોડીવાર સજાવીને તો જો….!!

મુગજળ માની તું દોડતો રહ્યો બેલગામ,
અતૃપ્ત ઈચ્છાઓને બોલાવીને તો જો….!!

ગમતી પળ હવે ક્યાં મળે તારી યાદોમાં
વેદનાઓને તારી ખુશીમાં નચાવીને તો જો….!!

રૂપાલી ચોકસી “યશવી”