ga('send', 'pageview');

Category: નાઝ જી

ઝંખતી હું હોય તો વાંક તારો નથી..

તું લાગણીહીન હોય તો વાંક તારો નથી
ઝંખતી હું હોય તો વાંક તારો નથી

સબાબ છે મારી નારાજગીનું માત્રને તું
 તને પરવા ન હોય તો વાંક તારો નથી

રંગવા ઈચ્છું છું બધા જ રંગોથી તને
તું જ ઈચ્છાહીન હોય તો વાંક તારો નથી

કહેવું છે તને ‘અ’ થી ‘જ્ઞ’ સુધી બધું જ
મારે ગળે ડૂમો હોય તો વાંક તારો નથી

પ્રેમ તો છે માત્રને તુજથી જ ‘નાઝ’
અજાણ તું હોય તો વાંક તારો નથી.

-નાઝ G

 

હાઈકુ

શગ સંકોરી
અંધારું ચારેબાજુ..
ઉજાસ પછી

વખનાં પ્યાલા
ગળેથી ઉતાર્યા ‘ને
મીરાંજી જીવ્યા

દરિયા કાંઠે
ક્ષિતિજને આંબતી
કિનારે ડૂબી

જીવન-મૃત્યુ
જીવી ગયા મરીને
મરીને જીવ્યા
જાત જલાવી
ચિરાગે,અને અંતે
શગ સંકોરી

નાઝ જી